قوموں کی ترقی کا دارو مدار تعلیم پر استوار ہے،نوابزادہ ملک عمر

پنڈی گھیب (ڈیلی اٹک نیوز) علاقہ کی معروف سیاسی شخصیت نوابزادہ ملک عمر حیات خان اور ایڈمنسٹریٹر نزاکت حسین نے کہاکہ قوموں کی ترقی کا دارو مدار تعلیم پر استوار ہے

 ہماری نو خیز نسل میں ٹیلنٹ کی کوئی کمی نہیں نئے دور کے چیلنجز سے نمٹنے کیلئے والدین اور اساتذہ کو باہم ملکر کردار ادا کرنا ہوگا، ان خیالات کا اظہار انہوںنے گزشتہ روز سالانہ نتائج اور تقسیم انعامات کے سلسلہ میں منعقدہ تقریب سے خطاب کرتے ہوئے کیا اس موقع پر پرنسل صداقت حسین نے کہا کہ

 ہمارا مقصد اپنے علاقہ کے بچوں کو معیاری تعلیم وتربیت سے آراستہ کرنا ہے تاکہ وہ بڑے ہوکر ملک و قوم کی خدمت کرنے کے قابل ہو سکیں۔ آخر میں مہمان خصوصی نوابزادہ ملک عمر حیات خان اور سینئر صحافی افتخار ملک نے پوزیشن لینے والے طلبہ میں انعامات تقسیم کئے۔