پنڈی گھیب ، نکہ غلام شاہ میں95لاکھ کی ڈکیتی

پنڈی گھیب(ڈیلی اٹک نیوز) تھانہ پنڈی گھیب کے گاﺅں نکہ غلام شاہ میں نامعلوم چور گھر سے 95 لاکھ روپے چھت میں نقب لگا کر لوٹ کر فرار ہونے میں کامیاب 

تفصیلات کے مطابق پولٹری کے کاروبار سے منسلک حافظ نصیر احمد ساکن نکہ غلام شاہ نے تھانہ پنڈی گھیب میں ایف آئی آر درج کرائی ہے کہ وہ اپنے گھر میں اہل خانہ کے ہمراہ صحن میں سو رہے تھے کہ جب علی الصبح بیدار ہونے

کے بعد کمرے کا دروازہ کھولنے کی کوشش کی تو وہ اندر سے بند تھا اور چھت میں نقب لگی ہوئی تھی ۔
بعد ازاں پڑتال کر نے پر معلوم ہوا کہ کمرے کے اندر بکس میں رکھی ہوئی ایک کروڑ روپے سے زائد رقم میں سے 95 لاکھ روپے 

غائب تھے جسے نا معلوم چور چرا کر لے گئے پولیس نے رپٹ درج کر کے تفتیش شروع کر دی ہے۔