تھانہ جنڈ پولیس کا جوئے کی محفل پر چھاپہ،4 ملزمان گرفتار

جنڈ، پنڈی گھیب، اٹک، حضرو(ڈیلی اٹک نیوز ویب )ضلع اٹک کی پولیس نےمنشیات فروشوں کے خلاف کاروائی کرتے ہوئے 1860گرام چرس برآمد،جوئے کی محفل پر چھاپہ مار کر نقد رقم معہ اشیائے قمار بازی قبضہ میں لی۔پتنگ بازوں کے خلاف کاروائی کرتے ہوئے 750عدد پتنگ قبضہ میں لی۔

تھانہ جنڈ کی ٹیم نے جوئے کی محفل پر چھاپہ مار کر قمار بازی میں مصروف اشخاص نوید ،محمد عرفان ،نقیب اللہ ،عامر شہزاد کو گرفتار کر کے پڑ داؤ پر لگی ہوئی رقم مبلغ -/16000روپیاور 4 عدد موبائل فون مالیتی 65000روپے کل مالیتی 81000روپے برآمد کر کے ملزمان کے خلاف مقدمہ درج کر لیا  ۔تھانہ سٹی اٹک کی ٹیم نے  محمد فاروق ولد فاروق غلام ر  بانی سکنہ محلہ جناح کالونی ڈہوک فتح اٹک  سے  1205 گرام چرس برآمد کرکے ملزم کے خلا ف مقدمہ درج کر لیا۔

تھانہ رنگو کی ٹیم نے وسیم عباس ولد ریاست خان ساکن ہٹیاں سیدھن تحصیل حضرو سے  240گرام چرس برآمدکی اور منشیات فروش اسامہ مبارس ولد مبارس خان سکنہ محلہ آکواڑہ  کاملپور عالم تحصیل حضرو  سے  185گرام چرس برآمد کرکے ملزمان کے خلاف مقدمہ درج کر لیا۔تھانہ پنڈیگھیب کی ٹیم  نے منشیات فروش  محمد اعجاز ولد نیاز خان ساکن اخلاص تحصیل پنڈیگھیب سے 230گرام چرس برآمد کرکے ملزم کے خلاف مقدمہ درج کر لیا۔تھانہ اٹک خورد کی ٹیم نے محمد بلال  ولد محمد خالد ساکن محلہ کسراں کامراں کلاں تحصیل و ضلع اٹک سے 500 عدد پتنگیں  اور علاوالدین  ولد خیل زید دین  ساکن کھوڑا مار سے250 عدد پتنگیں  برآمد کر کے ملزمان کے خلاف مقدمہ درج کر لیا۔