پولیس خدمت مرکز اٹک کو عوامی سہولیات کیلئے دوبارہ کھول دیا گیا 

 پولیس خدمت مرکز اٹک کو عوامی سہولیات کے لیے دوبارہ کھول دیا گیا ۔

تفصیلات کے مطابق آئی جی پنجاب شعیب دستگیر کی ہدایات پر ضلع اٹک میں احتیاطی تدابیر کو مد نظر رکھتے ہوئے شہریوں کی سہولت کے لیے پولیس خدمت مرکز اٹک کو کھول دیا گیا ہے ۔

جو کہ قبل ازیں کرونا وائرس کی وباء کے دوران لاک ڈاؤن میں بند کر دیا گیا تھا ۔

اس موقع پر ڈی پی او اٹک سید خالد ہمدانی نے اٹک کی عوام کے نام اپنے پیغام میں کہا کہ عوامی سہولت کے پیش نظر پولیس خدمت مرکز اٹک کو کھول دیا گیا ہے جو کہ شہریوں کو کریکٹر سر ٹیفکیٹ ، پولیس ویری فیکیشن ، تجدید ڈرائیونگ لائسنس سمیت 14 مختلف سہولیات ایک ہی چھت تلے فراہم کی جائیں گی ۔

خدمت مرکزپر آنے والے تمام شہری کرونا وائرس سے بچاؤ کے لیے احتیاطی تدابیر پر عمل کریں ماسک اور گلوز کے بغیر پولیس خدمت مرکز میں داخلے پر پابندی ہو گی ۔