اٹک :اٹک چیمبر آف کامرس کے سالانہ انتخابات مکمل ہو گئے جس میں انتظامی کمیٹی نے متفقہ طور پر بانی صدر مرزا عبدالرحمان گروپ کے عہدیداران ، صدر ارشد جمیل صدیقی ، سینئر نائب صدر محمد بلال ، نائب صدر محمد عاجز کو متفقہ طور پر بلا مقابلہ منتخب کر لیا۔

 اجلاس میں یہ فیصلہ کیا گیا کہ سابقہ روایات کے مطابق تاجر برادری کے مسائل حل کرنے کیلئے بھرپور کوششیں کی جائیں گی تاجر برادری کا وزیر اعظم عمران خان پر مکمل اعتماد ہے حالیہ دنوں میں حکومتی اور عسکری قیادت کے ساتھ ملک کے معروف صنعتی اداروں کے سربراہان اور بڑی کاروباری شخصیات کی جو کامیاب میٹنگ ہوئی ہیں ان میں تاجر برادری کو ان کے مسائل ترجیحی بنیادوں پر حل کرانے کی یقین دہانی کرائی گئی ہے اجلاس میں مرزا عبدالرحمان کی قائدانہ صلاحیتیوں کو سراہا گیا اور انہیں خراج تحسین پیش کیا گیا ۔