حضرو ،دریائے شریف میں زیر تعمیر مکان کی دیوار گرنے سے 4 افراد زخمی 

اٹک (ڈیلی اٹک نیوز) حضرو کے گاؤں دریائے شریف میں زیر تعمیر مکان کی دیوار گرنے سے 4 افراد زخمی 

 تفصیلات کے مطابق حفاظتی اقدامات نہ کرنے کے باعث اچانک زیر تعمیر گھر کی دیوار گر گئی 4 مزدور 61 سالہ قسیم ، 45 سالہ محمد سلیم ، 38 سالہ ربنواز اور 22 سالہ محفوظ شاہ سکنائے دریائے شریف اٹک دیوار گرنے کے سبب شدید زخمی ہو گئے جن میں سے ایک مزدور کی دونوں ٹانگیں ٹوٹ گئیں اور 3 مزدوروں کے سر اور بازو پر چوٹیں آئیں اطلاع ملنے پر ریسکیو 1122 حضرو کا عملہ فوراً موقع پر پہنچ گیا اور زخمی 

مزدوروں کو ابتدائی طبی امداد فراہم کرنے ساتھ ساتھ انہیں تحصیل ہیڈ کوارٹر ہسپتال حضرو منتقل کیا ۔