حضرو، بین الاصوبائی ’’پہلوان‘‘ ڈکیت گینگ کا سرغنہ گرفتار

حضرو(ڈیلی اٹک نیوز) ڈی پی او اٹک کی طرف سے اشتہاریوں کے خلاف چلائی گئی مہم کے تحت اٹک پولیس نے بین الاصوبائی ’’پہلوان‘‘ ڈکیت گینگ کے سرغنہ اشتہاری ملزم جہانگیر خان کو ڈرامائی انداز میں گرفتار کرلیا گیا ہے۔

اس گینگ نے کئی سالوں سے پنجاب کے مختلف اضلاع اور صوبہ خیبر پختون خواہ کے مختلف اضلاع میں ڈکیتی کی سنگین وارداتیں کی ہیں اس گینگ نے 2017 میں حضرو کے علاقہ میں ایک دوکان پر ڈکیتی کی واردات کے دوران 20لاکھ سے زائد نقدی چھین لی تھی،واردات کے دوران ملزمان اپنے رنگ لیڈر کو ’’پہلوان‘‘ کے نام سے پکارتے تھے،اس گینگ کے کچھ ملزمان پہلے سے گرفتار ہیں تاہم اس ملزم کی نشان دہی پر اس کے باقی ساتھیوں کی گرفتاری کے لئے پولیس کی خصوصی ٹیمیں روانہ ہیں ۔

ڈی پی او نے کہاکہ ملزم سے تفتیش کے دوران تمام وارداتیں ٹریس کی جائیں جس میں یہ گینگ شامل رہا،اگر ان وارداتوں کا تعلق اٹک سے باہر کے اضلاع سے ہو تو متعلقہ اضلاع کی پولیس سے روابط کر کے قانونی طریق کار اختیار کیا جائے ۔