شادی کی تقریب میں گھر کی چھت کی بائونڈری وال گر گئی ،خواتین زخمی

اٹک ( ڈیلی اٹک نیوز) شادی کی تقریب میں گھر کی چھت کی بائونڈری وال گر گئی ، 3 خواتین سمیت 2 بچیاں زخمی

 تفصیلات کے مطابق دارالسلام کالونی قیوم چوک میں شادی والے گھر میں مہندی کی تقریب جاری تھی کہ اچانک کچی باؤنڈری وال پر زور پڑنے سے ٹوٹ کر نیچے آ گری جس کے باعث 3 خواتین

اور 2 بچیاں زخمی ہو گئیں زخمیوں کو سر اور کندھے پر چوٹیں آئیں اطلاع ملنے پر ریسکیو 1122 اٹک کی 2 ایمبولینس موقع پر پہنچ گئیں اور ریسکیو 1122 کے اہلکاران 

نے زخمیوں کو ابتدائی طبی امداد فراہم کرنے کے ساتھ ساتھ انہیں اسفندیار بخاری ڈسٹرکٹ ہیڈ کوارٹر ہسپتال اٹک منتقل کر دیا ۔