حضرو، پولیس کی مختلف کاروائیوں میں 3 ملزمان گرفتار ،مقدمات درج

حضرو(ڈیلی اٹک نیوز )اٹک پولیس نے مختلف کاروائیوں میں 3 ملزمان گرفتار کر کے ملزمان سے منشیات ، پتنگیں ، ڈوریں برآمد کر کے مقدمات درج کر لیے 

تفصیلات کے مطابق ایس ایچ او تھانہ صدر اٹک عابد قریشی کی زیر نگرانی پولیس کی چھاپہ مار ٹیم نے مسعود احمد ولد مشتاق احمد ساکن کامرہ کلاں سے 1220 گرام چرس ، ایس ایچ او تھانہ اٹک خورد عابد شاہ کی زیر نگرانی عملہ پولیس نے

محمد یاسین ولد عبدالغنی ساکن ڈاکخانہ چک امرو شکر گڑھ ناروال ( حال ) نزد پاکستان چوک ہٹیاں سے 2000 گرام چرس اور 500 گرام افیون ، تھانہ رنگو پولیس نے میاں مکرم شاہ ولد گران سکنہ اتمان زئی چارسدہ ( حال ) تاجہ باجہ حضرو سے 20 پتنگیں ، 2 رول ڈوریں ، ایک 

چرخی اور 10 پیکٹ ماچس پٹاخے ( 500 ماچس پٹاخے ) بر آمد کر کے ملزمان کے خلاف الگ الگ تھانوں میں مقدمات درج کر لیے ہیں ۔