اٹک پولیس کی ماہانہ رپورٹ، 20 اشتہاریوں سمیت7 من چرس برآمد

اٹک ( ڈیلی اٹک نیوز ) اٹک پولیس نے گزشتہ ماہ مارچ میں 3 بین الصوبائی ڈکیت گینگوں کے 11 ملزمان گرفتار کر کے ان سے 2 کروڑ 8 لاکھ 54 ہزار کا چھینا جانے والا سامان بر آمد کر لیا ۔

یہ بات اٹک پولیس کے ترجمان نے پریس ریلیز کے ذریعے بتائی انہوں نے کہا کہ گزشتہ ماہ پولیس نے ڈکیتی قتل سمیت مختلف سنگین وارداتوں میں ملوث 3 ایسے ڈکیت گینگ گرفتار کئے جو بیک وقت صوبہ پنجاب اور کے پی کے میں ڈکیتی کی سنگین وارداتیں کرتے تھے،پولیس نے3بین الصوبائی ڈکیت گینگوں کے 11 ملزمان گرفتار کئے جن سے مختلف وارداتوں کے دوران چھینا جانے والا2کروڑ8لاکھ54ہزار 150روپے مالیت کا سامان بر آمد کیا

پولیس نے قمار بازی کے خلاف خصوصی آپریشن کے دوران قماربازی کے متعدد اڈوں پر چھاپے مار کر داؤ پر لگی13لاکھ93ہزار 510روپے کی بڑی رقم بر آمد کی پولیس نے کے پی کے سے پنجاب منشیات کی سمگلنگ ناکام بناتے ہوئے مختلف منشیات فرشوں 

سے 4 من چرس،7کلو افیون سمیت شراب اور ہیروئن بھی بر آمد کی 20 خطرناک اشتہاری ملزمان اور21عدالتی مفرور گرفتار کئے ۔