اٹک ،2943 مستحقین کو 9 ہزار جبکہ 122 نابینا افراد کو 12 ہزار روپے فراہم کیے جائینگے، ضلعی چیئرمین زکوۃ و عشر کمیٹی 

اٹک ( ڈیلی اٹک نیوز) ضلعی چیئرمین زکوۃ و عشر کمیٹی ضلع اٹک ملک شیر علی اعوان نے کہا ہے کہ صوبائی وزیر زکوۃ و عشر پنجاب شوکت علی لالیکا اور صوبائی سیکرٹری عالمگیر احمد خان کی ہدایات پر

 کرونا وائرس کے سبب مستحق افراد کو رمضان المبارک میں جاری ہونے والی قسط 3 اپریل سے جاری کر دی گئی ہے اس سلسلہ میں ضلع اٹک کے 2943 مستحق خاندانوں کو 9 ہزار جبکہ 122 نابینا افراد کو 12 ہزار روپے بطور گزارا الاؤنس فراہم کیے جائیں گے اس رقم کی تقسیم کیلئے متعلقہ افراد تک پیغامات پہنچا دیئے گئے ہیں اور تقسیم کار کمپنیاں بغیر کٹوتی کے یہ رقم تقسیم کرنے کی ذمہ دار ہوں گی۔
 کرونا وائرس سے لاک ڈاؤن پر معاشی سرگرمیاں محدود ہو چکی ہیں تاہم وزیر اعظم ریلیف پیکج، وزیر اعلیٰ پنجاب کورونا ریلیف فنڈ اور زکوۃ و عشر کمیٹیوں کے ذریعے 

فراہم کی جانے والی مالی امداد سے عوام کی مشکلات میں کافی حد تک کمی آئے گی ۔