اٹک، کوروناوائرس سےجاں بحق خاتون کےخاندان کے2افراد میں بھی تشخیص 

اٹک ( ڈیلی اٹک نیوز ) اٹک میں کورونا وائرس کے 2 مزید کیسز سامنے آ گئے ہیں جن میں ایک مرد اور ایک خاتون شامل ہیں میں کورونا وائرس کی تشخیص پائی جا رہی ہے 

یہ دونوں متاثرہ افراد جمۃ المبارک کے روز کورونا وائرس سے وفات پانے والی خاتون کے قریبی رشتہ دار ہیں تاہم دونوں رپورٹس مثبت آنے پر ریسکیو 1122 اٹک کی ٹیم نے ایک خاتون کو اسفندیار بخاری ڈسٹرکٹ ہیڈ کوارٹر ہسپتال اٹک کی کورونا وارڈ اور ایک مرد کو قرنطینہ سنٹر واپڈا آفس اٹک ڈھوک فتح میں منتقل کر دیا ہے ۔

علاوہ ازیں انچارج ضلعی کنٹرول روم برائے کورونا وائرس ڈاکٹر آصف نیازی کے مطابق اٹک میں کورونا وائرس کے مثبت کیسز کی تعدا د 29 ہوگئی ہے 2 افراد وفات پا چکے ہیں ایک کیس صحت یاب ہوا 9 افراد زیر علاج ہیں 17 افراد قرنطینہ میں ہیں 195 افراد کے کورونا وائر س ٹیسٹ منفی آئے ہیں اور 78 افراد کی رپورٹس کا انتظار ہے عوام موجودہ حالات میں گھروں میں رہیں اور احتیاطی تدابیر پر عمل کریں ۔