جنڈ، تھٹہ گائوں میں شادی کی تقریب منعقدکرنے پر بھاری جرمانہ 

جنڈ(تحصیل رپورٹر ڈیلی اٹک نیوز)  ڈپٹی کمشنر اٹک علی عنان قمر کی ہدایات کی روشنی میں دفعہ144 اورکورونا وائرس کی ایس او پیز کی خلاف ورزی 

کر نے پر تحصیل جنڈ کے گاؤں تھٹہ میں شادی کی تقر یب منعقد کر نے پر 40ہزار جرمانہ کر دیا گیا ۔ذرائع کے مطابق اطلاع ملنے پر اسسٹنٹ کمشنر جنڈ حسن نذیر نے چھاپہ مارا تو شادی کی تقریب جاری تھی جس میں کثیر تعداد میں لوگ ولیمہ میں شریک تھے جس پر کارروائی کرتے ہوئے جرمانہ اوروارننگ دی گئی۔ڈی سی اٹک نے اس موقع پر عوام سے اپیل کی کہ وہ موجودہ حالات میں کورونا وائر س سے بچاؤ کے لیے حکومت کی طرف سے جاری کیے گئے اقدامات

 پر سختی سے عمل کر یں اور اپنی زندگیاں محفوظ بنائیں۔علاوہ ازیں ذرائع کے مطابق شادی کی تقریب کے انعقاد پر ایف آئی آردرج ہوتی ہے لیکن سیاسی مداخلت کی وجہ سے ایف آئی آر نہ ہو سکی اور صرف جرمانہ کیا گیا۔