اسسٹنٹ کمشنرز کا بارش اورژالہ باری سے متاثرہ علاقوں کا دورہ

جنڈ/پنڈی گھیب/فتح جنگ( تحصیل رپورٹرڈیلی اٹک نیوز )صوبائی وزیر مال پنجاب ملک محمد انور نے تحصیل فتح جنگ،جنڈ اور پنڈگھیب کے دور افتادہ علاقوں میں حالیہ طوفانی بارشوں اور ژالہ باری سے گندم کی کھڑی فصلوں کو شدید نقصان پہنچنے پر فوری ایکشن لیتے ہوئے محکمہ مال کے افسران سے رپورٹ طلب کرلی۔

اپنے خصوصی بیان میں ملک محمد انور نے کہا کہ حالیہ طوفانی بارشوں اور ژالہ باری سے گندم کی تیار فصلوں کو شدید نقصان پہنچا ہے اور اس ضمن  میں محکمہ مال کے عملے کو نقصانات کا جائزہ اور تخمینہ لگانے کی ہدایات جاری کی گئی ہیں۔انہوں نے کہا کہ وزیر اعلیٰ پنجاب عثمان بزدارکی ہدایات کی روشنی میں کاشت کاروں کے ریلیف کے لیے حالیہ نقصانات 

کا مکمل ازالہ کیا جائے گا تاکہ ضلع اٹک کے زرعی شعبے کو تقویت حاصل ہوسکے۔صوبائی وزیر کی ہدایات کی روشنی میں متعلقہ اسسٹنٹ کمشنرز نے متاثرہ علاقوں کا دورہ کیا۔