جنڈ،بوٹی مافیا کیخلاف آواز ،ہیڈماسٹرنے سسٹم سے تنگ آکرریٹائرمنٹ لے لی

جنڈ: بوٹی مافیا کے خلاف آواز اٹھانے والا ہیڈ ماسٹر طاہر فاروق 5 سال سے ذلیل و خوار ہوتے ہوئے ریٹائرڈ ہو گیا سیکرٹری تعلیم پنجاب کو 5 سال قبل بوٹی مافیا کے خلاف درخوست پر تاحال عملدرآمد نہ ہو سکا

گورنمنٹ ایلیمنٹری سکول جنڈ کے ہیڈ ما سٹر طاہر فاروق نے ڈپٹی ڈی او جنڈ آصف علی جو ایک پرائیوٹ ادارہ (سکول) بھی چلا رہے ہیں کے خلاف انکوئری کی درخواست سیکرٹری تعلیم پنجاب کو دی جس پر سیکرٹری تعلیم آج تک عمل درآمد نہ کرا سکے البتہ ہیڈ ماسٹر طاہر فاروق سسٹم سے تنگ آکر ریٹائرمنٹ لے لی۔

 انہوں نے اب میڈیا سے بات چیت کرتے ہوئے تنگ آمد بجنگ آمد کے تحت گلے میں جوتوں کا ہار ڈال کر موجودہ سسٹم سے اپنی شکست تسلیم کرتے ہوئے کہا کہ انہیں 5 سال کا عرصہ گزر چکا ہے اور مسلم لیگ ( ن ) کے بعد تحریک انصاف کی حکومت میں بھی انصاف کی امید نظر نہیں آ رہی ۔ان کی ویڈیو سوشل میڈیا پر وائرل ہو چکی ہے ۔