جھمٹ اور گردونواح میں مذہبی ہم آہنگی اور پر امن فضا کے قیام کیلئے کمیٹی قائم

جنڈ ( مانیٹرنگ ڈیسک ) جھمٹ اور گردونواح میں مذہبی ہم آہنگی اور پر امن فضا کے قیام کے لئے ایس ایچ او جنڈ متحرک ، شر پسند عناصر کی نشاندہی اور پر امن مذہبی فضا کے قیام کےلئے 6 رکنی کمیٹی قائم کردی گئی ہے ۔

جھمٹ گائوں کے رہائشی اور رہنما اہلسنت والجماعت عثمان حیدر نے ایس ایچ او جنڈ مظہر الاسلام کو امن کمیٹی کے اجلاس میں بتایا کہ علاقہ میں شر پسند عناصر سوشل میڈیا پر صحابہ کرام رضی اللہ عنہم کی شان میں گستاخی کے مرتکب ہو کر مسلمانوں کی دل آہزاری کا باعث بنتے ہیں ابھی بھی ایک کیس سائبر کرائم میں چل رہا ہے ۔

عثمان حیدر کی تجویز پر ایس ایچ او جنڈ مظہر الاسلام نے پیر سعادت علی چورہ شریف کی سرپرستی میں ایک 6 رکنی کمیٹی قائم کی ہے جو ان معاملات کو دیکھے گی کمیٹی میں مفتی محمد عبداللہ ، محمد عثمان حیدر ، ملک محمد خورشید ، حسین علی اور ملک مشتاق حسین شامل ہیں عثمان حیدر نے ایس ایچ او جنڈ مظہر الاسلام کا دیرینہ 

مطالبہ پورا کرنے اور علاقہ کی فضا بہتر بنانے کے لئے کمیٹی کے قیام پر شکریہ ادا کیا ہے ۔