میرپور آزاد کشمیر میں شادی ہال کی عمارت گرگئی، متعدد افراد دب گئے

آزاد کشمیر کے علاقے میرپور میں شادی ہال کی عمارت  گرگئی جس کے نتیجے میں 50 سے زائد افراد ملبے تلے دب گئے۔

میرپور میں شادی ہال میں کئی مزدور کام کررہے تھے کہ اس دوران عمارت گرگئی اور کئی مزدور ملبے تلے دب گئے۔

پولیس کے مطابق شادی ہال کی عمارت کے ملبے تلے 50 سے زائد لوگ دبے ہوئے ہیں  جن میں شادی ہال کا مالک ندیم بھی شامل ہے۔

ریسکیو اداروں اور پاک فوج کی جانب سے امدادی کاموں کا سلسلہ جاری ہے اور اب تک 10 زخمیوں کو نکال لیا گیا ہے جنہیں طبی امداد کے لیے مقامی اسپتال منتقل کردیا گیا ہے۔

زخمی مزدور کا  گفتگو میں کہنا تھا کہ عمارت میں کام کررہے تھے کہ اچانک گر گئی جب کہ 50 سے 60 مزدور کام کررہے تھے۔