ڈی پی او اٹک سید شہزاد ندیم بخاری نے نئے ترقی یاب ہونیوالے اہلکاروں کو بیجز لگائے 

اٹک :ڈی پی او اٹک سید شہزاد ندیم بخاری نے نئے ترقی یاب ہونے والے 11 ہیڈ کانسٹیبلان کو اسسٹنٹ سب انسپکٹر کے بیجز لگائے۔

 تفصیلات کے مطابق اٹک پولیس کے 11 ہیڈ کانسٹیبلان جو کہ اے ایس آئی کے رینک میں ترقی یاب ہوئے کو رینک لگانے کی تقریب ڈی پی او آفس اٹک میں منعقد ہوئی جس میں ڈی پی او اٹک نے ترقی یاب ہونے والے ہیڈ کانسٹیبلان کو اے ایس آئی کے بیجز لگائے اس موقع پر ڈی ایس پی ہیڈ کواٹر اظہر شبیر بھی موجود تھے۔

 ڈی پی او اٹک نے ترقی پانے والے پولیس افسران کو مبارکباد دیتے ہوئے کہا کہ فیلڈ میں جا کر عوام کی خدمت کو اپنا منشور بنائیں اور ان کے مسائل ترجیحی بنیادوں پر حل کریں ۔